原來唔止得相機菲林！Polaroid推防飛沫面罩Staysafe　彈性頭帶適合唔同頭形大小

自 7 月初香港爆發第三波疫情以嚟，大家都為咗避免中招而想盡辦法抗疫，依家出街唔少人除咗戴口罩之外，更不時都會見到有人會戴上面罩或戴護目鏡，採取再高一級的防護措施，減低細菌和病毒的傳播機會。

其實喺最早期疫情爆發時就有研究顯示新冠肺炎病毒比起 SARS，更易感染人類嘅呼吸道和眼結膜，指出眼睛可能係重要感染途徑之一，所以專家均建議大家最好戴上平光眼鏡擋飛沫、減少戴隱形眼鏡、外出時切忌手多多捽眼。

Photo from polaroid

而大家熟悉嘅美國品牌 Polaroid 寶麗萊原來除咗有即影即拍相機、菲林、數碼相機等以外，佢哋原來仲有推出太陽眼鏡品牌，該品牌以生產偏光太陽眼鏡為主，有效阻隔炫光，使視野更清晰。

Photo from polaroid

最近 Polaroid 就因應疫情需求，設計及生產咗一款防飛沫面罩 Staysafe，畀有需要人士使用。

Photo from polaroid

Photo from polaroid

依款 Stay Safe 面罩喺意大利製造，通過 EN166 個人眼部防護歐洲標準。依款面罩有效阻隔由正面和側面而嚟嘅細菌、病毒威脅，有效達致最高防護。

Photo from polaroid

面罩與面部距離約 4cm，令面罩喺使用時唔會形成霧氣，有足夠空間令使用者同時戴上自己所需嘅眼鏡，加上眼罩配備彈性頭帶，方便唔同頭形大小嘅人士可自行調節最舒服尺寸，及穩固佩戴位置。同時頭帶亦加入咗 Polaroid 經典嘅彩虹標誌，增添美感。

Photo from polaroid

面罩設有成人及兒童兩款，成人款嘅頭帶主色為黑色，兒童款則為紅色，售價成人$270、小童$220。

Photo from polaroid

另外，除咗面罩之外，Polaroid 仲推出咗 Goggle 式眼罩，方便大家喺唔同嘅需要時配戴。

Photo from polaroid

銷售點：i.t

Source：Polaroid

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）